Ein studentorganisasjon i Sogndal
På vatnet, i vatnet – og under det.
Havkajakk, elvekajakk, surf, dykking og fridykking. Vi held kurs, arrangerer turar og har utstyret du treng. Nybyrjar eller rutinert – hopp uti.
Bli medlemKjøp billettarDette driv vi med
Surf
Fleire gonger i semesteret køyrer vi til Stad og surfar heile helga. Bli med, sjølv om du aldri har stått på brett før.
Ansvarleg: Jesper
Havkajakk
Padleturar på fjorden, frå kveldsturar til helgeturar. Ta innføringskurset og få våttkort, så kan du låne kajakk hos oss.
Ansvarleg: Oda
Elvekajakk
Kurs og turar i elvane rundt Sogndal. Lær teknikk, redning og å lese elva – og bli med i den faste elvegruppa.
Ansvarleg: Maxi
Dykking
Under fjordflata, med flasker eller på eitt pust. PADI Open Water-kurs, og med sertifikat lånar du dykkeutstyret gratis.
Ansvarleg: Eirik
Kvar veke
Fast program gjennom semesteret. Det meste er gratis eller billeg.
Lustrabadet
Vassklie, stupebrett, symjebaner, varmebasseng og badstove. Avreise frå Meieriet kl. 17.00, vi fordeler oss i bilane. Gratis, men avgrensa med billettar.
Har du teke ein gratisplass, møt opp. Får du forfall, gje beskjed så fort som mogleg, så går plassen til nokon på ventelista.
Sponsa av Norges Studentidrettsforbund (NSI)Hent billett
Elvekajakk
Eiga gruppe for dei som har fullført grunnkurset. Tidspunkt avtaler vi i fellesskap. Har du erfaring? Ta kontakt med Maxi på 941 81 844.
Ring MaxiBadeklubben
Morgonbad ved Folkehøgskulebryggja med kaffi, kakao og av og til noko søtt. Ta med eigen kopp! Badeklubben er ei undergruppe i Sjøspretten – du treng ikkje vere medlem for å bli med.
Kvar månad
Vannvittig
1–2 morosame påfunn med vatn. Lågterskel, billeg og garantert gøy – vi har mellom anna rodd og segla med råsegl i tradisjonelle trebåtar.
Bading og frukost
Etter morgonbadinga blir det frukost på laben. Takk til Frifond, som gjer dette mogleg.
Naustet SEAnema
Naustet blir Noregs koselegaste kinosal med sjøfilmar som Titanic, Oppdrag Nemo og Aquaman. Du stemmer på filmen på Instagram – billettar på Hoopla.
Helgeturar hausten 2026
- 28.–30. aug
Bre- og kajakktur
Styggevatnet
- 4.–6. sep
Surfetur
Stad
- 18.–20. sep
Vossatur med Lurkarlaget
Elvekajakk, havpadling i Nærøyfjorden eller klatring – så rafting eller vindtunnel.
- 25.–27. sep
Sjoatur
Elvekajakk, krev grunnkurs
- 10. okt
Skolestrekket Open
For publikum og padlarar
- 16.–18. okt
Surfetur
Stad
- 23.–25. okt
Balestrand
Kajakk, RIB-tur og utefilm ved dagsturhytta
- 30. okt–1. nov
Surfetur og halloweenfest
Stad
- 6.–8. nov
Dykketur til Kalvåg
Du får god mat på turen
- 27.–29. nov
Julebord på Stad
Smalahove, badstove, surf, elvekajakk og god stemning
Kurs
Vi held kurs ved etterspurnad. Følg @sjospretten for nye datoar.
Havkajakk
Innføringskurs som gjev våttkort: bering, sjøsetting, padleteknikk, redning og tryggleik. Ein kveld frå kl. 16.00, alt utstyr er med.
Elvekajakk
Populært todagarskurs med grunnleggjande teknikk og tryggleik. Du kan låne alt utstyret hos oss.
Dykking
PADI Open Water-kurs som sertifiserer deg som dykkar. Med sertifikat lånar du dykkeutstyret vårt gratis.
Mannskapet
Bli medlem
Medlemskapet gjeld ut kalenderåret. For elvepadling, havpadling, dykking og fridykking kjem det treningsavgift i tillegg. Har du ikkje råd? Ta kontakt, så finn vi ei løysing.
@sjospretten
Turbilete, kursinfo og påmelding dukkar opp på Instagram først. Følg med, så går du ikkje glipp av neste tur.
Følg oss på InstagramSei hei!
Lurer du på noko om turar, kurs eller utstyr? Send oss ei melding – vi svarar så fort vi er tørre på henda.